Score |
11
I'm Jobless writing stories @ Guardian of Planet Mars
From Tene Side
<p><br/></p><p><br/></p><p>Dem say when person marry, body no be your own again. But me, Tene, I dey ask myself — na true be that?</p><p>Because if na true, then wetin come remain for me? Wetin come remain for my peace, my body, my choice?</p><p><br/></p><p>People dey talk say marriage mean say man and woman don become one. But make I ask you: if we be one, why e go be say na only one person desire matter? Why my own no dey count when I no ready, when my body dey tire, when my mind no dey inside?</p><p><br/></p><p>I no be wood. I no be property. I be person. I get feelings. I get days wey my body no just follow, days wey stress choke my neck like rope, days wey my head dey full and my heart just wan rest. That one no mean say I no love you. E just mean say I be human.</p><p><br/></p><p>When we just marry, I believe say love go make everything soft. But I come see say love alone no reach. If you no fit talk, if you no fit listen, love go begin crack small small. Because silence dey heavy. Silence dey turn small wahala to big wall between two people wey suppose hold each other.</p><p><br/></p><p>Sex for marriage suppose sweet, yes. But e suppose sweet for two people, no be say one dey endure and the other dey enjoy. Na connection, no be duty. Na choice, no be force. Na “make we do am together” — no be “I must take am because you be my wife.”</p><p><br/></p><p>I don learn say the real intimacy no be how many times we touch body. Na how many times we fit talk true without fear. Na how many times we fit respect “no” without anger. Na how safe person feel to open up without shame.</p><p><br/></p><p>If marriage go sweet, e no fit be cage. E suppose be place wey I fit talk my mind without fear say you go vex or feel rejected. Where you fit understand say my no no mean I no love you — e just mean I no ready now. And where my yes go be because I want you, not because I fear you.</p><p><br/></p><p>Because if I no fit choose, then wetin I dey enjoy? If I no get voice, wetin be love inside am?</p><p><br/></p><p>So me, Tene, I go still stand for wetin I believe. Marriage no cancel consent. Love no mean ownership. And respect no be extra; na the foundation.</p><p><br/></p><p>And if two people fit hold that truth tight, then their love no go just survive — e go breathe.</p><p>____</p><p><em><br/></em></p><p><strong><em>Dear Tene... (Coming Soon)</em></strong></p>
|
17
Other insights from Bigdan
Referral Earning
Points-to-Coupons
Insights for you.
THE MEETING
Sometimes it takes one meeting for our lives to change forever. It was never Femi'...
1276 views
13 upvotes
13 comments
OMÓ ÉSAN
They say the apple does not fall far from the tree, but I was the exception, or I was s...
1204 views
14 upvotes
6 comments
Comments